Naar de inhoud

Ava I (Schepers) – 2de jeugdprinses

Sóndessmiddes15 november 2026 koom weer ‘ne groate maedjesdroum in vervölling:
Jeugdprinses Ava I (Schepers) waerdje oetgerope es twieëdje Jeugdprinses van ‘t
Aesterriek. Ava is de dochter en bonusdochter van moder Renée & de Holtumse
Opperkater Marcel en vader Ralph & Joke. Ava woontj same mit häöre groate broor Ryan
bie häör moder op de Olmstraot in Ech. Zie is vieërtieën jaor en twieëdjejaors lieërling
van ‘t Connect College in Ech. Ava’s passie liktj bie voetballe. Zie is dus döks te vènje op
de veljer van E.V.V. Ech.

Óm es Jeugdprinses väörop te moge gaon in de Echter Vastelaovendj is ‘n depe wèns dae
Ava al es klein maedje haw. In de vootspaore traeje van häöre opa, dae oats Prins woor
in de Maasbandj. Carnaval waerdje Ava den ouch mit de paplaepel ingegaeve. Det Ava
sjus dit jaor tiedes de Jóng Aesterparade moogdje waere oetgerope es Jeugdprinses
beteikentj väöl väör häör, kort nao ‘t äöverlieje van häöre angere opa dae net zoa
vastelaovesgek woor es Ava zelf. Mit häör bèste vrindin Naomi aan häör ziej es adjudante
geitj Ava geniete van ‘n prachtig vastelaovessezoen.

Mit Prins Edwin I, Jeugdprins Teun I en alle Aesters en Aesterlingskes maaktj Ava zich
den ouch mit hieël väöl plezeer op väör ‘ne fantastische vastelaovendj ónger häör motto:
“Op ‘t veldj wil ich winne, mer mit vastelaovendj geitj ‘t fieës pas ech beginne!”

Terug naar nieuws