Naar de inhoud

Edwin I (Meevissen) – 68e Prins

‘t Aesterriek haef ‘ne nuje Hoagheid! Zaoterdigaovendj 14 november is Edwin Meevissen oetgerope tót 68e Prins van C.V. “De Aester”. Same mit zien adjudante Lars Bisschops, Sil Teeuwen en Auwt-Prins Rob II zal hae de vastelaovendj bönne en boete ‘t Aesterriek gaon viere ónger zien motto: “Same Viere, Same Belaeve, Same Vastelaovendj!” Mit ederein dae ouch mer ‘n dröppelke vastelaovesblood in zich haef gaon ze zörge det d’r same fieës en gezelligheid weurtj gemaaktj. En wille ze väöral mit alle aester en aesterlingskes same geniete van alles waat de vastelaovendj te beje haef.

Edwin I woontj same mit zien vrouw Chantal en hun dochter Lise op de Kèrkveldswaeg in Sjaelberg. Edwin woor in 2000 de 5e jeugdprins van C.V. “De Aester”. De vastelaovendj zitj dus al van jóngs aaf aan good d’rin. In ‘t dageliks laeve wèrktj Edwin es Supervisor bie Equans op de ASML-campus. Dao zörgtj hae d’r väör det alles op rölkes löptj. Mer es de vastelaovendj los geitj, gaon ouch de remme los!

Naeve zien werk zitj hae zich ouch in es väörzitter van Stichting Hieëre Prónkzitting Ech. Organisere, same de sjouwers d’r ónger zitte en zörge det de sjoan vastelaovestradities blieve bestaon.

Edwin I zal receptie haoje op zónjig 24 januari van 13.00 oer tót 16.00 oer bie Broen Café de Mert. Aansloetendj is d’r nag ’n gezellig samenzeen.

Terug naar nieuws