‘t Viefde sezoen stuit op ’t puntj van beginne.
‘t Viefde sezoen stuit op ’t puntj van beginne
Noe is ’t al ’n jaorelange traditie óm bie de start hievan stil te staon mit de verbinjing tösse de vastelaovendj en oos geluif.
Al mieë es 20 jaor doon w’r det middels de traditionele dialekmis.
Spietig genóg höbbe w’r gein toestömming óntvange van de (nuje) parochiegeistelikheid óm det in de huidige vorm te moge laote plaatsvènje.
W’r höbbe, same mit oos zöstervereniging Vastelaovesvereniging De Aester Sjaelen Uul, beslaote óm de äöpening toch gezamelik te doon en den ouch op ’n alternatieve meneer de zaege väör ’t nuje sezoen te vraoge. Zóndig 15 november zal óm 10.15 oer de traditionele äöpening plaatsvènje bie ’t vastelaovesmonument naeve de kirk van Pej.
Hiebie zeen alle aesterlingskes van herte oetgenuuedigdj.
Sjregedek, C.V. De Aester.🔴🟡🟢
