Proclamatie Jeugdprins Max I
Ich, Jeugdprins Max d’n ieëste
Zoon van Roy en Kim.
Groate broor van Finn.
Lieërling van basissjoal de Violier.
Opperhoofd van de Vlierstroat.
Spits bie JO-14 van Slekkerboys.
Groat voetbalfan van Ajax.
Fanatieke gamer.
Groate leefhöbber van slók, chips en sushi.
Haoj neet van oprume.
Gek op ‘g’ krachte.
Altied in väör ’n fieëske.
Gaeve te kènne en make bekèndj:
- det ich de 31ste Jeugdprins van “De Aester” bön.
- det efkes neet aan sjoal weurtj gedach, w’r gaon noe fieëste op volle krach.
- det de PlayStation väörluipig neet aan hoof, nao de vastelaovendj kèn ich d’r weer taegenaan.
- det ederein confetti in zien sjoon moog vènje.
- det ederein väöl slók moog rape.
- det alle kènjer mitdoon aan de kènjeroptoch.
- det ich same mit mien adjudante Sem en Jayden d’r ‘n groat fieës van gaon make.
- det ederein is oetgenuuedigdj väör mien receptie.
- det road gael greun in mien blood zitj.
- det ‘t zunke sjientj äöver ‘t Aesterriek.
- det ich d’r same mit Prins Rob II, Jeugdprinses Jade I en alle Aesters en Aesterlingskes ‘ne sjoane vastelaovendj van gaon make ónger mien motto:
“Ich game en voetbal zónger kebaal, mer vastelaovendj vier ich maximaal!”
Gegaeve te Ech op 16 november 2025 tiedes “De Jóng Aesterparade”
Awd-Jeugdprins Sem I
