Proclamatie van Prins Paul VI
- Bie de gratie en wiesheid van C.V. “De Aester”
- Regerendj Prins van ’t Aesterriek
- Van ‘net neet’ nao ‘zeker waal’
- Gebaore in Zittert mer getaoge in Ech
- Groatvors van de Gebrokerstraot
- Aodste zoon van Peter en Lily
- Broor van Ruud, trotse paetoom van Nora
- Bienao 22 jaor lid van Repke Tepke es ‘dae mit die sjuuf’
- Altied in väör get sjaele zeiver of ‘n good gesprek
- Bezig aan zien vieërtigste laevesjaor
- Wèrkzaam es Assistent-Accountant bie GBV in Remunj
Gaeve te kènne en make bekèndj:
- det ich hieël gruuets bön det ich tót 64e Prins van ’t Aesterriek bön gekaoze
- det ich same mit de Jeugdprins, alle Aesterlingskes en Aesters ‘ne ónvergaetelike carnaval moog belaeve
- det zate hermeniekes meziek door alle straote en in alle kefees zal klinke
- det ich mit die daag neet de däör oet gaon väördet ich ‘n gooj pan spek mit eier höb gegaete
- det ich d’r nao oetkiek óm es Prins Paul VI väör te gaon bie de versjillendje recepties en activiteite
- det ich goje steun moog höbbe aan miene adjudant en Auwt-Prins Björn I
- det ich väöl minse en vereniginge moog zeen op mien receptie
- det w’r ‘n geweldig PlatsSpektakel gaon belaeve wo ich dit jaor neet de bestèllinge opnum, mer de bestèllinge zal doon
- det alle inwoners van Gebrook kómme kieke nao, of mitdoon in miene optoch
- det ich de ‘Net Neet Prinse’ mit paerd Sjra gaer väör de Prinsewage zeen tiedes miene optoch
- det w’r carnavalssdaensdigs saoves gruuets moge zeen op wie sjiek de carnavalsdaag zeen gewaes en det ich same mit uch ‘ne polonaise moog loupe bie ‘t vlagstrieke ónger mien motte:
“Nao ‘Net Neet’ en ‘ne tied van haope,
trèkke weer de vastelaovendj aope!”
