Proclamatie Thijn I
Ich Jeugdprins Thijn d’n ieëste
- Zoon van Nico en Eveline
- Groate broor van Sem
- Lieërling van de Violier
- Opperhoofd van de Pejjerstraot
- Speler bie JO-13 van E.V.V.
- Scout bie scouting Maria Goretti
- Fan van voetbalclub Paris Saint Germain
- Fervent gamer
- Eine halve Belsj
- Groate leefhöbber van slók, chips en Grieks aete
- Taegestenjer van de knienskoaj zuver make
Gaeve te kènne en make bekèndj:
- det ich de 28ste Jeugdprins van “De Aester” bön
- det vastelaovendj mien laeve is
- det geer allemaol zeentj oetgenuuedigdj väör mien receptie
- det weer dit jaor eindelik weer es vanawds carnaval moge viere
- det weer drie daag keihel op die kis moge houwe
- det ‘t zunke sjientj äöver ‘t Aesterriek
- det geer väöl slók mót rape
- det ederein lekker gek mót doon
- det alle kènjer mitdoon aan de kènjeroptoch
- det ich same mit Prins Paul VI ‘ne hieële leuke carnaval zal höbbe
- det väöl femielie, vrunj en Aesterlinge groat en klein same mit Prins Paul VI en mich carnaval kómme viere ónger mien motto:
“Sjregkedek,
Thijn zaetj doontj èns lekker gek!”
