Proclamatie Thomas I

Ich jeugdprins Thomas d’n ieëste:

  • zoon van Math en Judith
  • breurke van Noa
  • baasje van Max
  • lieërling van de Angelasjoal
  • fan van voetbalclub PSV
  • speler bie de D3 van E.V.V.
  • kèntj alle denskes van Fortnite
  • gamer van smörges tót saoves
  • vaste deilnummer bie de Wienhoaf
  • groate leefhöbber van slók, chips, pizza en shrimps
  • taegestenjer van zien kamer oprume

Gaeve te kènne en make bekèndj:

  • det ich de 25ste jeugdprins van “De Aester” bön
  • det geer väöl slók mót rape
  • det geer allemaol zeentj oetgenuuedigdj väör de receptie
  • det ederein drie daag road, gael en greun is
  • det weer d’r ‘n superleuk sezoen van make
  • det ‘t hieël fejn waer moog zeen
  • dat ederein mit ‘ne lach op zien gezich versjientj
  • det väöl volwassene nao de kènjeroptoch kómme kieke
  • det nag mieë kènjer mitdoon aan de kènjeroptoch
  • det ich same mit Prins Björn I ‘ne hieële leuke carnaval zal höbbe
  • det väöl femielie en vrunj same de carnaval kómme viere ónger mien motto:

“Mit dees daag gein kompjoeterspel of bal, want ich vier mit uch de carnaval!”

Gegaeve te Ech op 19 januari 2020 tiedes “De Jóng Aesterparade”

Awd-Jeugdprins Jules I