Proclamatie van Prins Björn I
- Bie de gratie en de wiesheid van C.V. “De Aester”
- Regerendj Prins van ’t Aesterriek
- Getaoge op ‘t Bäövels Ènj
- Jóngste zoon van John & Gerda, broor van Guido & Ralph
- Net väör ’t oetrope begós aan zien 38ste laevesjaor
- Groatvors van de Graaf en de Steeg
- Vónketrèkker bie KOMA in Remunj
- Sins jaor en daag lid van de reddingsbrigade Ech
- Blaozer bie de jubilerendje vereniging Käöninklike Hermenie Sint Caecilia
- Al 22 jaor lid van zate hermenie Sus Scrofa
- Poletiek actief in ‘t Smaalste Stökske Nederlandj
Gaeve te kènne en make bekèndj:
- det ich gruuets bön det ich tót 61e Prins van ’t Aesterriek bön gekaoze
- det ich mich ‘ne waardige opvolger zal tuuene van mien eminente väörgengers
- det ich dees daag get minder in ‘t zwömbad en oppe repetitie te vènje zal zeen
- det ‘t LVK-paviljoen drie daag lank drök bezóchtj zal waere
- det ich väöl minse moog verwachte op mien receptie
- det de waergode ós ouch dit jaor good gezindj moge zeen
- det ‘t PlatsSpektakel alweer in miene achtertuin gehaoje zal waere
- det ich de reddingsbrigade ouch dit jaor in de optoch verwach
- det ich ouch mien femielie in de optoch haop te begroete
- det alle hermeniekes väör get extra volume zulle zörge
- det ich alle Aesters en Aesterlingskes ‘ne fantastische carnaval toewèns ónger mien motto:
“Hermeniekesgeträöt geuftj mich gooj zin, daoróm duuk ich mit uch de vastelaovendj in!”
Gegaeve te Ech op 18 januari 2020
tiedes “De Aesterparade”
Auwt-Prins Ramon I.