Proclamatie van Prins Wim IV
- Bie de gratie en de wiesheid vanne raod van èlf
- Regerendj Prins van ’t Aesterriek
- Groatvors van Berkelieër tót de Zuiderpoort
- Jóngste zoon van Jan en Annie
- Gebaore en getaoge aan de aoj brök in Berkelieër
- Èlf jaor en èlf maondj getroudj mit Iris
- Trotse pap van Chris en Emma
- Döks wuud weg mer ouch gaer thoes (oppe bank)
- Laeveslank besmètj mit ’t hermenie-virus
- Drènker van ’t lètste pilske vanne aovendj
- Leefhöbber van ’n lekker stökske balkebrie
Gaeve te kènne en make bekèndj:
- det Iris en ich gruuets zeen det ich tót 53e Prins van ’t Aesterriek bön gekaoze
- det ich mich ‘ne waardige opvolger zal tuuene van mien eminente väörgengers
- det miene baas mit dees daag de containers zelf door gans Europa moog brènge
- det mien vruike Iris mich dit jaor get minder zal zeen
- det weer ’n receptie haoje wo-op w’r ederein verwachte
- det weer haope det de waergode ós dit jaor weer good gezindj zeen
- det weer d’r van oet gaon det mien femilie en vrunj allemaol mitdoon in d’n optoch
- det mien Käöningklikke Hermenie ‘t dit jaor zónger mich mót doon
- det weer haope det alle Aesters en Aesterlingskes ‘ne sjoane carnaval höbbe
- det oze sjlager “Echterlandj, Aesterlandj” door alle Aesters mitgezónge weurtj
- det weer ederein ‘ne sjoane vastelaovendj wènse ónger mien motto:
“Same mit uch door ’t Aesterlandj,
dao zit ich miene wage väör aan de kantj!”
Gegaeve te Ech op 14 jannewari 2012 tiedes “De Aesterparade”
Auwt-Prins Nico I
