Prieze kènjeroptoch op 20 fibberwarie 2007
Geplaatst op vrijdag 23 februari 2007 door Webmaster
Ouch dit jaor waerdje de jeug weer extra gestimuleerdj óm mit te doon aan de optoch van Daan I. Big Snack “The Corner”, Friture “Biej Miep” oppe Mert en Eethuis “De Plats” baoje namelik alle jeugdige deilnummers weer ein verrassing of eine snack aan. ‘t Woor ein prachtig bóntj spektakel en weer haope det d’r volgendj jaor nog mieë kènjer mitdoon aan de kènjeroptoch op dènsdig 5 fibberwarie 2008.
Väör de optoch van dit jaor wore d’r vief sjaon baekers gesjónke door Kefee de Witte en de ieërepries door de Hieëre Prónkzitting Ech en dit jaor woor d’r väör de ieëste kieër eine aanmoedigingspries. Hie ónger zeentj geer de prieswènnaars van de kènjeroptoch van C.V. “De Aester” oet Ech op dènsdig 20 fibberwarie 2007: [b]Ieëste pries[/b]: “Mit Daan in de loch, vlege weer door d’n optoch!”. [b]Ieëste pries[/b]: “Es Käöninge en Käöninginne, loupe weer ’t Aesterriek binne!”. [b]Ieëste pries[/b]: “Mit de kameleon kómme weer in ‘t Aesterriek!”. [b]Ieëste pries[/b]: “Baere vastelaovendj!”. [b]Aanmoedigingspries[/b]: “Bliksemse Mc. Skoot!”. De [b]ieërepries[/b] woor dit jaor väör: “Mit Daan höbbe weer de smaak te pakke!”. Dit jaor kóste weer geniete van eine kluuerrieke sjoane optoch mit ein recordaantal deilnummers zoa es de prieswènnaars: “Mit Daan in de loch, vlege weer door d’n optoch!”, Prins Cyril I, Prinses Linda I van de Volièreveugelkes en basissjaol ‘De Violier’ mit “Es Käöninge en Käöninginne, loupe weer ’t Aesterriek binne!”, “Mit de kameleon kómme weer in ‘t Aesterriek!”, “Baere vastelaovendj!”, “Bliksemse Mc. Skoot!” en “Mit Daan höbbe weer de smaak te pakke!”. Verder kóste weer nog geniete van ónger angere “De fieësverkes van Gebrook”, “Snieëpóppe”, “Weer trèkke de sóp zelf!”, “De harde kern!”, “De privébös van Veolia kömptj ummer oppertied!”, Prins Siem I en Prinses Dana I van basissjoal Angela mit “Weer höbbe de Prins in de kieker!”, “Weer zeen ’t mit dees daag waal zitte!”, “Väör ’t Aesterriek plökke weer de sterre van de hemel”, “Eine aoje bók mit ein greun blaedje!”, “Bobslee!”, “Wille Wortel!”, “Bókkeriejer!”, Prins Dirk I van ‘De Wienhaof’, Zate Hermenie ‘Repke Tepke’, ‘Neut Zat’ en ‘Mit Veul Gelök’, Käöningklikke Hermenie ‘St. Caecilia’ Ech en nog versjillendje groepe, wages en einzelgengers. Ouch wiltj de jeugcommissie van C.V. “De Aester” alle sponsors die ós en uiteraard de jeug ein werm hert toedrage, nogmaals bedanke väör hunne geweldige steun dit jaor en haopelek ouch kómmendj sezoen weer, want: “Waem de jeug haef, haef de toekóms!”.Categories: Algemeen
