Jóng Aesterparade mit oetrope 2 x 11 jubileumjeugprins CV De Aester

04-01-2017

Op zóndig 29 jannewari 2017 organiseertj CV De Aester in discotheek Stoba de jaorlikse Jóng Aesterparade. Dao weurtj ónger angere bekèndj gemaaktj waem de opvolger weurtj van prins Jason I en zich jeugprins 2017 en ouch jubileumjeugprins moog neume.

’t Weurtj eine fieësmiddig wo-op eine DJ zal zörge väör ‘t nuuedige muzikale vuurwerk. D’r staon versjillendje optraejes op ‘t programma mit o.a. N-Dance, diverse artieste van eige baodem en Echter basissjoale. De Awd-jeugprinse brènge zoa wie eder jaor weer ein originele medley oppe plenk. Neet te misse weurtj ’t optraeje van ’t duo Same Sjpass det al dökker te zeen en te huuere woor op ’t Tiener Vastelaovend Konkoer. Tenslotte zörge de jónges van Spik & Span oet Zöstere väör eine onvergaetelikke oetsmieter.

Väör de kènjer die ’t bèste verklèdj zeen, zeen d’r drie prachtige prieze te wènne.

Alle raeje dus óm op 29 jannewari óm 14.11 oer nao zaal/discotheek Stoba aan de Bäövelste Straot te kómme wo se gezellig kèns danse, hosse en sprènge. De entree is gans väör niks.

Terug naar nieuws