Proclamatie van Jeugdprins Ruben I
Regerendj jeugdprins van ’t Aesterriek
Enigste zoon van Hilda en Jack en breurke van Eline en Odette
Sportfanaat vanne Sleedoornstraot
Lid vanne lieërlingeraod oppe ‘Driepas’
Groatvors vanne Hubertuspöt
Middeveljer inne E1 vanne Slekkerboys
Groat fan van Ajax
Herstikke gek op pizza en friet
‘ne ‘kei’ in diabolo spele
Al ach jaor vanne pertie inne optoch
Guuetj gaer èns aaf en toe ‘n dobbertje oet
Gaeve te kènne en make bekèndj:
det ich de 17e Jeugdprins van “De Aester” bön
det weer d’r mit z’n alle ‘ne sjoane carnaval van make
det geer mit dees daag allemaol road, gael en greun zeentj
det geer allemaol oetgenuuedigdj zeentj op mien receptie
det meister Huub dees daag niks te vertèlle haef
det alle kènjer mit mótte loupe inne kènjeroptoch
det alle aojers langs de kantj mótte staon
det ’t nao de kènjeroptoch nag lang neet gedaon is
det de waergode ós good gezindj zulle zeen
det de Echter sjlager door ederein mitgezónge mót waere
det ich uch same mit Prins Wim IV ‘ne sjoane vastelaovendj wèns ónger mien motto:
“Diabolo en voetballe zit ich effe aan de kantj,
want ich trèk drie daag door ’t Aesterlandj!”
Gegaeve te Ech op 22 jannewari 2012 tiedes “De Jóng Aesterparade”
Awd–Jeugdprins Cas 1
